الثلاثاء، 19 فبراير، 2013

حكاية عن طغيان حاكم.. عندما يتجلى الاعتقال العشوائى وتواطوء النيابة فى ابشع صورهما ..




خلال احداث قصر القبة الجمعة الماضية 15 فبراير 2013 .. قامت قوات الامن الغاشمة باعتقال 30 شخصا بعد اشتباكات استمرت سبع ساعات فى محيط ميدان حدائق القبة باعلى واسفل كوبرى القبة .. لسنا هنا فى مجال للحديث عن كم الاصابات بالخرطوش والاختناقات بين صفوف الشباب او العنف الامنى ولكننا سنتحدث عن ثلاث قضايا الاعتقال العشوائى والنيابة المتواطئة والقبض على القصر من سلسلة فضائح النظام القمعى الديكتاتورى .. من خلال النزول الى النيابات والتواصل مع اهالى المعتقلين تم تجميع هذه البيانات وحصرها .. ويعتبر ماحدث فى قبضة قصر القبة هى نموذج مصغر لما يحدث بصفة عامة فى كل الاشتباكات سواء داخل القاهرة او خارجها وهى دليل على الاسلوب القمعى الممنهج واليد الامنية الوحشية التى يضرب بها الحاكم الجديد ..


*** الاعتقال العشوائى السافر .. اغلبية المعتقلين من منطقة حدائق القبة .. 29 من اصل 30 حسب تاكيدات الاهالى منهم 23 محل اقامته على البطاقة بالمنطقة .. !!


1- فضيحة الاعتقال العشوائى لمعتقلى قصر القبة .. 29 معتقل - وفق تاكيدات الاهالى من اصل 30 - يبقو من اهالى حدايق القبة نفسها – 23 محل اقامتهم على البطاقة بالمنطقة بالاضافة الى 6 اخرين لهم سكن او عمل او صلة بالمنطقة - الامن لقطهم من شارع ولى العهد الجمعة الساعة 2 بليل ..

2- فيهم شاب - معتز محمد سعد مامور ضرائب من الحدائق ملوش فى السياسة - كان بيشترى حاجات من كشك بحدائق القبة فاتمسك ..

3- فيهم صبى بياع فى كشك بحدائق القبة - يوثام ماهر – اتمسك مع معتز ..

4- فيهم 12 مقيمين فى نفس الشارع شارع ولى العهد .. فيهم مجموعات صحاب من نفس الشارع ( احمد عبد الهادى ومحمود السايح وجمعة رمضان ) ( احمد فريد واحمد صبحى ومدحت سعيد ) ..

5- من ضمن معتقلى حدايق القبة .. وليد توفيق عبد الغفار 19 سنة .. مصاب بورم فى المخ ويحتاج دواء كل 8 ساعات .. لم يتم اخلاء سبيله وخد عرض باكر وبعدين حبس 15 يوم .. وليد توفيق المصاب بورم فى المخ محتاج علاج كل 8 ساعات .. اخوه دخله اول يوم شريط دوا فى القسم.. ميعرفش حالته ايه وازاى بيعاملوه       ..

6- فيهم 3 شباب كانوا بياكلو كشرى فى محل معروف بحدائق القبة اسمه سيد حنفي .. اتمسكوا ..

- الشباب لما اتمسكو اتوزعو يومها على 4 اقسام شرطة.. الاهالى اتبهدلو وراهم فى كل اقسام مصر لحد ماعرفو انهم متفرقين على اقسام روض الفرج وشبرا وبولاق ابو العلا .. !! ويوم تحقيق النيابة لحد مالمعتقلين اترحلو مش عايزين حتى يقولولهم ولادهم هيترحلو على فين دلوقتى ..


*** نيابة متواطئة فاسدة باوامر نائب خاص الاخوان ..


- نيابة حدايق القبة لما جت تحقق مع ال 30 شاب ادت نفسها اختصاص نيابة امن الدولة بدون وجه حق - زى قضية مختطفى معسكر السلام -  وحققت معاهم على كده دون علم المحامين نفسهم !! رغم ان المحضر ادارى وعادى بس دى اوامر عليا من نائب خاص الاخوان اللى بيضرب بالقوانين عرض الحائط وبيكتب تاريخ اسود جديد للنيابة فى عهده ..


- نيابة حدايق القبة - اللى ادت نفسها اختصاص نيابة امن الدولة فجاة - ادت ال30 معتقل من اهالى حدايق القبة حبس 15 يوم من اول مرة تانى يوم عرض .. مش حبس 4 ايام كالمعتاد ..


*** اطفال ومستقبل مصر يدفنون فى معتقلات الاخوان ..


- من بين ال 30 معتقلى حدايق القبة - اللى خدو حبس 15 يوم بدون وجه حق - فيهم 9 اطفال .. بينهم طفل عنده 13 سنة وتلات اطفال عندهم 15 سنة وطفلين 16 سنة  !!


- ورغم كده اتحول كل الاطفال الى سجن طره المزرعة مع باقى المعتقلين تانى يوم ماعدا واحد راح الاحداث .. رغم ان فيهم 9 اطفال من حقهم ينقلو للاحداث بسبب صغر سنهم وفقا للقانون .. وحسب "تقاليد النيابة حاليا" فى ايداع الاطفال 15 سنة او اقل بالاحداث فهنا فيه 3 اطفال 15 سنة او اقل متنقلوش الا واحد فيهم بس للاحداث وهو نصر احمد 15 سنة ..



  *** كشف الاسماء بالاعمار ومحل الاقامة :


ملاحظة : هناك 23 معتقل محل اقامتهم على البطاقة حدائق القبة او الزاوية او الاميرية ( منطقة واحدة محيطة بالقصر حيث تم الاعتقالات العشوائية ) .. بالاضافة الى ستة كمان لديهم علاقة بمنطقة حدائق القبة من قريب او بعيد اما كسكن او مكان عمل او صلة ..

1- احمد فريد حامد - 29 سنة - حدائق القبة
2- رجب ابراهيم علي شعبان - 15 سنة - حدائق القبة
3- احمد صبحي عبد الرحمن - 29 سنة - حدائق القبة
4- مدحت سعيد احمد طه - 21 سنة - حدائق القبة
5- مصطفي محمد عبد الفتاح ابراهيم - 24 سنة - حدائق القبة
6- احمد عبد الهادى امين - 25 سنة - حدائق القبة
7- محمود السايح محمد خليل - 28 سنة - حدائق القبة
8- جمعة رمضان السيد احمد - 22 سنة - حدائق القبة
9- علي السيد مدبولى محمد - 31 سنة - حدائق القبة
10- معتز محمد سعد زغلول - 28 سنة - حدائق القبة
11- يوثام ماهر حبيب صليب - 19 سنة - حدائق القبة
12- وليد توفيق عبد الغفار محمد سلامة - 18 سنة - حدائق القبة
13- علاء اسماعيل حسن عبد اللطيف - 25 سنة - حدائق القبة
14- اسلام عبد الحميد درديري محمود - 20 سنة - حدائق القبة
15- احمد سعيد عثمان حسن - 21 سنة - حدائق القبة
16- عبد الباقى ايمن محمد مصطفي ابو الريان - 15 سنة - حدائق القبة
17- اسلام حسنين محمود نوفل - 20 سنة - حدائق القبة
18- رشاد شداد ابراهيم حمادة - 17 سنة - الزاوية الحمراء
19- محمود محمد فوزي غنيم - 16 سنة - الزاوية الحمراء
20- محمود سامي يوسف - 16 سنة - الزاوية الحمراء
21- علي ابو الوفا علي ابراهيم - 27 سنة - الاميرية
22- محمد فتحي دسوقي - 30 سنة - الاميرية
23- عمرو احمد طلعت محمد – 15 سنة - الاميرية
24- مجدي عطيه عبد العزيز - 38 سنة - المطرية
25- محمود بهاء سيد عبد الرحمن - 21 سنة - امبابة
26- احمد ابراهيم محمد فرج ابو السعود - 25 سنة - البحيرة
27- نصر احمد نصر كامل - 15 سنة - المرج
28- اسلام احمد عبد العزيز درويش - 20 سنة - الاسكندرية
29- احمد ناصر كامل محمد - 20 سنة - بولاق ابو العلا
30- اليا بوقتر جرجس - 13 سنة - المرج الجديدة


احمد عاطف

18 فبراير 2013

ليست هناك تعليقات:

إرسال تعليق