السبت، 21 يوليو، 2012

ازاى تعرف ان ده .. مخبر .. !!!



 ازاى تعرف ان ده .. مخبر .. !!!


 

1- تساله انت مخبر ؟ .. يرد بكلام تانى خالص بعيد عن السؤال وميحاولش ينفى حتى.. كانك بتقول حاجة عادية..


2- تلاقيه بيقولك فى اول الكلام انا لا مع ده ولا مع ده ولا مع حد.. انا جاى اقول رايى ..


3- تلاقيه بيحاول يشككك فى كل حاجة حواليك.. يشوه اى شخصية اى تيار اى حزب.. المهم تفقد الثقة فى الجميع..


4- تلاقيه بيقولك انا كنت 6 ابريل بس سيبتها.. وفجاة يقول انا كنت اخوان واستقلت.. وبعد شوية يقولك انا سلفى بس سبتهم اصلا..


5- تلاقيه عارف معلومات مش عند اى حد.. معلومات وثائق مصادر بيانات.. وبيقولها كانها طبيعى ان اى حد يكون عارفها..


6- تلاقيه شغوف بانه عايز يعرف بيانات دقيقة عنك عن غيرك عن الحركات عن التنظيمات.. بيانات متهمناش اوى لكن تهمه جدا..


7- تحس انه غبى وبيرد بكلام حافظه ومكرر عمال يسمعه من غير فهم.. ومعندوش كلام تانى او افكار جديدة..


8- تلاقيه بيستشهد بكلام ناس زى تهانى الجبالى والزند وعكاشة ومصطفى بكرى.. وطبعا هو مش فاهم اللى بيقوله اصلا..


9- تلاقيه مش قادر يقول كلمة وحشة ضد مبارك او العسكر.. عمال يلف ويدور فى تشويه كل اللى ضدهم وبس..


10- تلاقيه بيشكك فى المعتقلين والشهداء اعدادهم افعالهم صفاتهم سجلهم الجنائى طريقة وفاتهم او اعتقالهم .. !!


11- تلاقيه بيكلمك عن شهداء الشرطة.. عن اقتحام السجون.. عن دفاع الشرطة عن نفسها.. عن اسلحة المتظاهرين..


12- تلاقيه بعد مايسيبك يروح لغيرك وبيعيد نفس الكلام بالظبط.. نازل فى مهمة محددة ويهمه يلعب فى دماغ اكبر قدر..


13- هتلاقيه بيحرضك ع العنف الهجوم التهور.. تقوله انت تبع مين.. يقولك انا مش تبع حد..

14-  ‪ تلاقيه قاعد وراكو ع القهوة.. وعمال يلعب فى موبايله بقاله ساعتين..




ليست هناك تعليقات:

إرسال تعليق