توثيق تزوير استفتاء الدستور 2012 بالادلة والمصادر.. مرحلة اولى 1-2

- قبل الدخول فى الموضوع .. هنا التوثيق كامل متجمع فى ملفى PDF ( مرحلة اولى ومرحلة ثانية ) اون لاين بتنسيق وتنظيم كويس .. انصح بالدخول فيها بدل وجع العين على المدونة .. وممكن تحميل ملف ال PDF من الموقع عن طريق اختيار Save ..

ملف تزوير المرحلة الاولى كامل

http://www.viewdocsonline.com/document/ad1duz

ملف تزوير المرحلة الثانية كامل

http://www.viewdocsonline.com/document/dgbgm2



- وبرضه رفعت الملفين على روابط ميديا فاير وفور شيرد للى عايز يحملهم من روابط عادية ..
1- رابط تحميل ملف المرحلة الاولى

http://www.mediafire.com/?aisa79yt25h3o7w
او

http://www.4shared.com/office/hBs2OHnQ/______.html

2- رابط تحميل ملف المرحلة الثانية .. من هنا

http://www.4shared.com/office/-ZvwLdBj/______.html
او
http://www.mediafire.com/?hhlcsssn3quyngk

************************************

الموضوع ده قمت فيه بتجميع لانتهاكات عديدة – ممنهجة بصورة كبيرة لاول مرة بعد الثورة – من الاخوان وانصار نعم خلال المرحلة الاولى من استفتاء الدستور .. والموضوع مرفق به " بعض " من ادلة التزوير اللى حدثت فى كثير من اللجان فى مختلف انحاء البلاد .. متضمنا فيديوهات وصور وشهادات ومحاضر .. كلٌ مرفق برابط او مصدر الابلاغ عن حالة الانتهاك .. طبعا دى مش كل الانتهاكات بس ده اللى قدرت اجمعه  - مما تم رصده او تسجيله فيديو او كاميرا وماخفى كان اعظم - واللى عنده حاجة جديدة ياريت يضيفها ..

الموضوع مقسم الى اربع اجزاء

اولا : الفيديوهات 61 فيديو
ثانيا : الصور 36 صورة
ثالثا : تقارير واخبار 50 خبر

رابعا : مخالفات ومحاضر وشهادات 1280 مخالفة


هنا عرض اول ثلاث جزئيات ( فيديوهات وصور واخبار ) من الموضوع التوثيقى وكلها مرفقة بمصادرها..
لمتابعة عرض الجزئية الرابعة ( مخالفات ومحاضر وشهادات ) يرجى الدخول من هذا الرابط

http://teeefaman.blogspot.com/2012/12/2012-2-2.html

ملحوظة هامة :

قبل فرز الانتهاكات بمختلف اشكالها فيه نقطة اضافية مهمة جدا ولاحظها كل من شارك فى المرحلة الاولى.. انه رغم ضخامة الاعداد المشاركة فى التصويت الا اننا فوجئنا بان نسبة المشاركة 31% فقط .. !!
ده خبر مثلا من المستشار زغلول البلشى نفسه رئيس اللجنة العليا عن تصريحاته لقناة الحياة اثناء استمرار العملية الانتخابية بان نسبة المشاركة قد تتجاوز الـ 50%.. !!!

http://www.elwatannews.com/news/details/97156

وده خبر تانى من المصرى اليوم عن نسبة المشاركة فى الغربية.. وفقا لمصدر قضائى باللجنة العليا اكد ان " نسبة المشاركة قبل الساعة 7 وصلت 60% " من اجمالى كشوف الغربية ممن لهم حق التصويت.. ونلاقى فى اخر اليوم - بعد ما امتد التصويت للساعة 11 مساء - اصبحت نسبة المشاركة النهائية فى الغربية 33% .. !!!

http://www.almasryalyoum.com/node/1315136

******************************************** 

اولا : الفيديوهات

******************************************** 

1

فيلم وثائقى - مدته ساعة وربع - يكشف التزوير للاستفتاء المرحلة الاولى

http://www.youtube.com/watch?v=GhLhaswSq8Q

  

2

صناديق الاستفتاء في سوبر ماركت حكاية – البجلات - منية النصر - الدقهلية

https://www.youtube.com/watch?feature=player_embedded&v=3dw5gJNhCgo

http://www.youtube.com/watch?v=BQWo3QqLNjY

http://www.youtube.com/watch?v=kBJ2L826Gsw

3

القاضي ومساعديه يقومون بـ تزوير الإستفتاء - لجنة 61 - مدرسة تحسين الصحة القديمة‎ - الاسكندرية

http://www.youtube.com/watch?v=_1XNM29NkYo&feature=player_embedded

http://www.youtube.com/watch?v=1SikWNaOP6k

http://www.youtube.com/watch?v=I_UacBT-nkw

4

‫الاخوان من داخل لجنة - مدرسة الجمهورية - نجع المحطة - أسوان‎

http://www.youtube.com/watch?feature=player_embedded&v=PPIuj2ZHmmE

http://www.youtube.com/watch?feature=player_embedded&v=ZJPPQxxJSbc

5

صناديق الاستفتاء داخلة مليانة لمقر لجنة – مدرسة التوفيقية الثانوية - القاهرة

http://www.youtube.com/watch?v=3D4XMWjEPwA

6

مشادات مع جمال صابر لدعوته للتصويت بنعم‎ - مدرسة التوفيقية الثانوية - القاهرة

http://www.youtube.com/watch?v=mNVPs0JqXjQ

7

منتقبة: القاضى القى بطاقات مختومة تم التصويت عليها ب"لا" خارج الصندوق - لجنة 89 - مدرسة طه حسين الابتدائية - بلبيس - الشرقية

http://www.youtube.com/watch?v=xx9BJ9ou3ps

http://www.youtube.com/watch?feature=player_embedded&v=L2XOLdvj7tY

http://www.youtube.com/watch?v=WXiJVUqqnVk

8

تزوير إرادة شعب .. دفتر الاستفتاء فاضي على الهواء

http://www.youtube.com/watch?feature=player_embedded&v=7TS_BMggsbE

http://www.youtube.com/watch?v=YyMB3A6Kw_U

آخر النهار- تسريب دفتر تصويت على الاستفتاء

http://www.youtube.com/watch?v=hguK7H7zY_g

لميس الحديدي تعرض فضيحة تزوير الاستفتاء وتقدمها للجنة العليا للانتخابات

http://www.youtube.com/watch?v=H27uQ4_6MM4

9

العثور على ورقة للإستفتاء ملقاة فى شارع شبرا مختومة ومُعلم عليها بـ(لا) فى الشارع - لجنة 5 - روض الفرج - شبرا - القاهرة

http://www.youtube.com/watch?v=EwmS-VLG_WA

 

10

كشوف الناخبين ممزقة خارج لجنة - مدينة نصر‎ - القاهرة

http://www.youtube.com/watch?feature=player_embedded&v=bWOo1czbxbc

11

كشوفات الناخبين ملقاة خارج اللجان - مدرسة التربية الفكرية - مدينة نصر - القاهرة

http://www.facebook.com/photo.php?v=214310242038336

12

كشوفات انتخابية ملقاه خارج اللجان

 http://www.youtube.com/watch?v=AnWk98lIQNQ

13

رصد كشوف الناخبين خارج اللجان الفرعية - لجنة 35 مدرسة محمد فريد الابتدائية – أسيوط

 http://www.youtube.com/watch?feature=player_embedded&v=Vf9LNGnwMg4 

14

كشوفات الناخبين ملقاة خارج اللجان - مدرسة فاطمة النبوية الابتدائية - شبرا مصر - القاهرة

http://www.youtube.com/watch?v=CvfCAxfd2ZI

15

ناخب كنت هاصوت بـ -نعم- لما لقيت تزوير صوت بـ -لا-

 http://www.youtube.com/watch?v=At9BY82dOiE

16

وجدت توقيعها بكشف الاستفتاء .. غلطة موظف لجنة فرعية 35 مدرسة سراى القبة الثانوية – الزيتون - القاهرة

http://www.youtube.com/watch?v=IFaeet_oDmg

17

إمرأة تكتشف تزوير توقيعها أمام اسمها في الإستفتاء‎ - مصر الجديدة - القاهرة

http://www.youtube.com/watch?feature=player_embedded&v=rIvKsL9O5YM

18

‫تزوير الاستفتاء على الدستور - مدرسة الصنايع - منيا القمح - الشرقية

http://www.youtube.com/watch?v=bik4uG3zonQ

19

‫ أخطر تزوير فى لجان الاستفتاء – باريس - فرنسا

http://www.youtube.com/watch?v=amob1twd7LE

20

كارثة تزوير فى الأستفتاء - الكويت

http://www.youtube.com/watch?v=nHv6wL2nZ4Q

21

فضيحة الأخوان بالكويت و تزوير 200 ألف بطاقة للدستور بنعم – الكويت

http://www.youtube.com/watch?v=rq5nj_ETFR4

www.youtube.com/watch?v=MGXorUUqwzI

22

‫الرئيس مرسى يصوت فى مدرسة مصر الجديدة .. بالرغم من انه مسجل فى كشوفات الشرقية وفقا لسجلات انتخابات الرئاسة‎ والتى لم تتغير

http://www.youtube.com/watch?v=PRkaTbkSI2c

http://www.youtube.com/watch?v=l-3lIuKOv1s

23

خيرت الشاطر " المحروم من حقوقه السياسية " يذهب للتصويت الى لجنة 47 بمدرسة طابا بمدينة نصر .. وبصحبة عدد من حرسه الشخصى وقامو بغلق اللجنة لحين انتهاءه من الادلاء بصوته ..

http://www.youtube.com/watch?v=p2EOVkfvhnY

24

تسريب زجاجات الحبر الفسفورى قبل الاستفتاء - الاسكندرية

http://www.youtube.com/watch?v=J_bMXQziJ9M

  

25

غادة شهبندر: تم تحرير 1400 محضر ضد قضاة مزيفين

http://www.youtube.com/watch?v=7UrBsfNvpi8

تحرير 1400 محضر ضد قضاة مزيفين في استفتاء الدستور المصري

http://www.youtube.com/watch?v=jabcOvgxu3o

26

‫متصل ذهب للإستفتاء وجد القاضي مدير مدرسة‎ - الغربية

http://www.youtube.com/watch?v=UoJ0YRuivBk

27

اكتشاف رؤساء لجنتين ليسوا قضاة - المنصورة - الدقهلية

http://www.youtube.com/watch?feature=player_embedded&v=lofWvpynXQc

28

‫قاضي يمتنع عن اظهار هويتة للناخبين ويمنع ناخب من التصويت ويتعدي عليه بالسب ويهدده ويتسبب في تعطيل اللجنة والناخبين تثور علي القاضي ويرفض عمل محضر باثبات ماحدث

http://www.youtube.com/watch?v=-ErVxKfWREI

29

تزوير بتصريحات لأعضاء بمجلس حقوق الإنسان – مدرسة طلعت حرب - القاهرة http://www.youtube.com/watch?v=E2Abu_Zv0M0

30

ضبط مراقب إخواني لا ينتمي لأي منظمة حقوقية – شبرا – القاهرة

http://www.youtube.com/watch?feature=player_embedded&v=aQBTXbMdFrw

31

أحد المراقبين يكتشف عملية تزوير لتصريح مراقب

http://www.youtube.com/watch?feature=player_embedded&v=0gKugxcgWIo

32

تصويت بعض الناخبين أكثر من مرة - مدينة نصر - القاهرة

http://www.youtube.com/watch?feature=player_embedded&v=JmbtIkDD7fA

33

ناخبة : القاضي طالبني بالتصويت بـ نعم - حلوان - القاهرة

http://www.youtube.com/watch?feature=player_embedded&v=PnNXAI6MFus

34

إحدى الناخبات: القاضي قال يا تكتبوا نعم يا محدش يصوت

http://www.youtube.com/watch?v=6jmdn-mxvYU

35

جبهة الإنقاذ: منع مسيحيات من التصويت داخل أحدى اللجان

http://www.youtube.com/watch?feature=player_embedded&v=0b2fQQCjIq4

36

مجموعة من الاسلاميين يزورون فى الاستفتاء - مينا البصل - الاسكندرية

www.youtube.com/watch?v=hyVeeHZlcnE

37

سيدة ترفض انتهاكات حملة مرسي وتوجيه الناخبين - مدرسة ابن نفيس - مدينة نصر - القاهرة

https://www.youtube.com/watch?feature=player_embedded&v=YoEFRIXotMc

38

شكاوى من عدم وجود قضاة في اللجنة 55 بمدرسة عقبة بن نافع وغلق مدرسة حفني ناصف بالأسكندرية منذ ساعتين أمام الناخبين - الاسكندرية

http://www.youtube.com/watch?v=OdD2iJp6eYo

39

‫قاضيان يغلقا اللجان وقالوا مش هنشتغل والناس -مش هنمشى‎

http://www.youtube.com/watch?v=1wsEeOumJhU&feature=youtu.be

40

‫عدم وجود اختام على بطاقات الاستفتاء حتى الثالثة عصرا ثم تعطل الاستفتاء عدة ساعات ومشادات كلامية - مدرسة البهية البرهانية - السيدة زينب - القاهرة

http://www.youtube.com/watch?v=86ps5R82t5o

http://www.youtube.com/watch?v=Nil087MaqkU

41

قاض يمتنع عن ختم أوراق الاستفتاء.. والناخبون يحتجزونه داخل اللجنة - الشرقية

http://www.youtube.com/watch?v=QluEiEIj8B0

42

الناخبون:مفيش تنظيم ولا ختم في اللجان .. والقاضي:مش مهم - هندسة شبرا لجنة 4 - شبرا مصر - القاهرة

http://www.youtube.com/watch?v=Q6EzOJVyvoE

43

ناخبين أوراق الاستفتاء مش مختومة - حلمية الزيتون - القاهرة

http://www.youtube.com/watch?feature=player_embedded&v=UhsB1R8nSPM

44

التاخير المتعمد ومنع الالاف من التصويت وتظاهرة نسائية امام احدى اللجان - الاسكندرية

http://www.youtube.com/watch?v=jtGNHZ7aBFo&feature=youtu.be

45

التضييق على الناخبات - توقف عملية التصويت لعدة ساعات باحدى لجان - المعادى - القاهرة 

http://www.youtube.com/watch?v=9MDqxzg9fQ0

46

التضييق على الناخبين - تاخير الاستفتاء لمدة 9 ساعات بمدرسة ومنع دخول الناخبات ومظاهرة نسائية - الحى العاشر - مدينة نصر - القاهرة

http://www.youtube.com/watch?v=QqLlBR8Jp6s

47

التضييق على الناخبات - النساء يشتكين من سوء المعاملة بلجنة بمدرسة القناة

http://www.youtube.com/watch?v=SgZ-mZF44AI

48

تعطيل اللجان والتاخير المتعمد للتضييق على الناخبات - الناخبات يشتكين من طول مدة الانتظار أمام اللجان

http://www.youtube.com/watch?v=4ZHy9Bu53VI

49

التضييق على الناخبات - مشادات الناخبات بسبب غلق لجنة الاستفتاء - الإسكندرية

http://www.youtube.com/watch?v=2B-bcR_xUSk

  

50

تاخير فتح اللجان للتضييق على الناخبين - الاستفتاء لم تفتح حتى الآن - الإسكندرية http://www.youtube.com/watch?v=I1AeNtG0q0w

51

تصويت جماعي في اللجان ، والإخوان يوجهون الناخبين !

http://www.youtube.com/watch?v=Iff2dfaVBSU

52

لجنة بلا قاضى فى فاقوس – ومحضر فى بلبيس - مشادات فى ابو كبير - ودعايا لنعم على ابواب اللجان فى الزقازيق - الشرقية

https://www.youtube.com/watch?feature=player_embedded&v=o0HxWfKLXvU

53

تجاوزات الاخوان أمام إحدي اللجان - المعصرة - حلوان – القاهرة

http://www.youtube.com/watch?v=-nqmqmu0Eko

54

‫تجاوزات حزب النور أمام لجان الاستفتاء - الإسكندرية‎

http://www.youtube.com/watch?v=wgImV9j0B-I&feature=youtu.be

55

الفجر ترصد تجاوزات داخل اللجان الانتخابية

http://www.youtube.com/watch?v=pTXlIywSTQk&feature=player_embedded

56

تجاوزات أمام مدرسة النهضة الإعدادية - الملك الصالح - القاهرة

http://www.youtube.com/watch?feature=player_embedded&v=OXNNjm4tQN8

57

تجاوزات فى الهانوفيل – العجمي - الأسكندرية

http://www.youtube.com/watch?v=bjcJkTjTHtE&feature=player_embedded

58

دعايا لـ"نعم" واغانى لمرسى امام اللجان من الاخوان

http://www.youtube.com/watch?v=MjMoo1NhKxI&feature=player_embedded

59

ملصقات دعاية وتوجيه الناخبين للتصويت بنعم للدستور امام اللجان - المنصورة – الدقهلية

http://www.youtube.com/watch?v=0F6-io1c348

60

دعاية أمام احدى اللجان "نعم للدستور" – عزبة النخل – القاهرة

http://www.youtube.com/watch?v=QPv58Ww0mTQ

61

بيانات عن الانتهاكات وتزوير الاستفتاء :

حقوق الإنسان انتهاكات الاستفتاء بالآلاف

http://www.youtube.com/watch?v=pOcKvsfrpvw

منظمات حقوقية تطالب بإعادة استفتاء المرحلة الاولى

http://www.youtube.com/watch?v=11tC8mQ8UNE

بيان: الانتهكات التي حدثت اليوم الأول للإستفتاء

http://www.youtube.com/watch?feature=player_embedded&v=kabWTPb0630

وقائع تزوير وتجازوات من قبل الاخوان والتيار السلفي

http://www.youtube.com/watch?v=4BOb4B9OSE0

عبد الله السناوي: نحن أمام عملية تزوير واضحة

http://www.youtube.com/watch?v=cp-6U8ufsxY

عشر محافظات أنهت التصويت وسط تجاوزات غير مسبوقة

http://www.youtube.com/watch?v=tQdBVaSa7W4

بيان مشترك من شايفنكم و عدة منظمات حقوقية عن ما حدث في المرحلة الأولى من الإستفتاء...

http://www.youtube.com/watch?v=10m0y8hzU5Y

********************************************

ثانيا : الصور

 ********************************************

صندوق انتخابى فى الكويت جاء ممتلىء وبطاقات الاقتراع مرتبة من اسفل 1

صندوقان انتخابيان فى الكويت جاء ممتلىء وبطاقات الاقتراع مرتبة من اسفل 2

صندوق انتخابى فى الكويت جاء ممتلىء وبطاقات الاقتراع مرتبة من اسفل 3

رجل يجلس فى الشارع امامه اوراق الاستفتاء مسوده بنعم

امين حزب الحرية والعدالة بشرم الشيخ يفرز الاوراق فى وجود القاضى

صندوق خارج اللجان مملتىء ببطاقات الاقتراع

طفل يجلس ويفرز الاصوات من داخل لجنة 43 مدرسة النهضة الابتدائية بعين شمس ..

كشوفات الأسماء مقطعه وملقاة على الأرض في مدرسة التربيه الفكريه بمدينة نصر

استمارات الاستفتاء للرافضين للدستور فى طريق المطار على الارض .. الورق سليم ومختوم

اكتشاف اكثر من 2000 اسم فى مدرسة غير مختوم وغير ممضى

من داخل مدرسة القاهرة الفنية المعمارية بدار السلام .. الأخوان والسلفيين مسيطرين على كشوف الأسماء وبيوجهوا المصوتين للتصويت بنعم !

 

دفاتر الاستفتاء خارج اللجان

دفاتر الاستفتاء خارج اللجان

دفاتر الاستفتاء خارج اللجان

دفاتر الاستفتاء خارج اللجان

من امام مدرسة حدائق الاميرية بعض السلفيين يقومون بجمع اسماء الناخبات قبل الدخول ثم يقومون بوضع علامة امام اسم الناخبة فور خروجها ثم يتم تسليمها ظرف

احتجاز مواطن فى مدرسة الخلفاء بمصر الجديدة لطلبه من مشرف اللجنة اظهار هويته

مدرسة حفنى ناصف (لحنة 29-30-31) باب شرق غلق باب المدرسه واعداد المصوتين ضخمه بطول الشارع والشارع المجاور وكانوا يهتفون ضد تاخير دخولهم وخوف من بالداخل من دخولهم لتصويتهم بلا

قاضى احدى اللجان .. مدرس انجليزى باحدى مدارس بالاسكندرية

مدرس انجليزى وعضو فى حزب النور وحازمون .. ونزل قاضى باحدى لجان الاسكندرية

قناة مصر 25 تعلن نتائج لجان تم فرزها قبل 3 ساعات من انتهاء الاستفتاء

 لجان تم فرزها قبل 3 ساعات كاملة من انتهاء وقت الاستفتاء

- بانر الشعب يؤيد قررات الرئيس اعلي مدخل مدرسه صلاح سالم باسيوط

لافتات نعم للدستور على سور مدرسة احمد فؤاد بكر للتاثير على الناخبين - الحسينية - الزقازيق - الشرقية

الاسكندرية  توجيه للناخبين على كوبري الزهور على بعد حوالي ١٠٠ متر من المقر الانتخابي ( ظلت موجودة حتى يوم الاستفتاء نفسه ) مدرسة العروى الوثقى بنين)

صورة من أمام مسجد شاهين بجوار لجنة بمدرسة الشهيد محمد فريد سرحان بحلوان

ONA ترصد ورقة موقعة من قاضي بلجنة بمدينة نصر تفيد بتأخر وصول كشوف الناخبين

صحيفة ألمانية تنشر صورة للرئيس المصري بعد فراغه من الصلاة، بينما ينظر للعدسة بعمق، مع موضوع بعنوان (الدستور الفاشي)

جريدة الشاهد الكويتية وتزوير الاستفتاء المصرى هناك

 
********************************************

ثالثا : تقارير واخبار

********************************************  

1- الائتلاف المستقل لمراقبة الانتخابات - البيان الأول للمرحلة الأولى من الإستفتاء على الدستور

  http://www.anhri.net/?p=65642

2- الائتلاف المستقل لمراقبة الانتخابات - البيان الثاني للمرحلة الأولى من الإستفتاء على الدستور

  http://www.anhri.net/?p=65710

3- الائتلاف المستقل لمراقبة الانتخابات - البيان الاخير للمرحلة الأولى من الإستفتاء على الدستور

 http://www.anhri.net/?p=65733

4- الائتلاف المستقل لمراقبة الانتخابات - بيان عاجل عن مراقبة الإستفتاء على الدستور المصري

http://www.anhri.net/?p=65716

5- التقرير الاول لمراقبة الاستفتاء من غرفة عمليات 6ابريل

 http://6april.org/modules/news/article.php?storyid=2802

 6- التقرير الثاني لغرفة عمليات 6 ابريل

http://6april.org/modules/news/article.php?storyid=2803

7- التقرير الثالث لغرفة عمليات 6 ابريل‎

http://6april.org/modules/news/article.php?storyid=2804

8- بيان "1" غرفة عمليات جبهة الإنقاذ :توجيه للناخبين داخل اللجان للتصويت بـ"نعم" وقضاة يرفضون إبراز تحقيق الشخصية

on.fb.me/U2aUnb

  

9- بيان "2" غرفة العمليات المركزية لجبهة الانقاذ الوطني: الإخوان يوجهون الناخبين للتصويت بـ"نعم" ورصد صناديق ممتلئة

http://on.fb.me/ZupsPm

  

10- بيان "3" غرفة عمليات جبهة الأنقاذ الوطنى : البلاغات تتوالى على انتهاكات العملية التصويتية 

http://on.fb.me/SuqQQ6

11- مجموعة انتهاكات اخرى رصدتها غرفة عمليات حزب الدستور وجبهة الانقاذ الوطنى خلال عشر بيانات وفقا للرابطين التاليين

http://www.facebook.com/photo.php?fbid=269687859821385&set=a.267096006747237.60959.267079976748840&type=1

http://www.facebook.com/photo.php?fbid=269720163151488&set=a.267096006747237.60959.267079976748840&type=1

* 12- انتهاكات رصدتها غرفة عمليات التيار الشعبى المصرى خلال ثمانى بيانات وفقا للروابط التالية

http://on.fb.me/TFjDJM

http://on.fb.me/12DKx9k

http://on.fb.me/VejydJ

http://on.fb.me/UcINk9

http://on.fb.me/UTMEjD

http://on.fb.me/TbpYxU

http://on.fb.me/12DKKsZ

http://on.fb.me/UTMRDw

13- تقرير تقييم نتائج المرحلة الاولي لمراقبة الاستفتاء علي مشروع الدستور 2012 حملة  شركاء في الوطن

http://www.anhri.net/?p=65806

14- البيان الأول ” نتائج اعمال التحالف المصرى على الأستفتاء على الدستور المصرى‎

http://www.anhri.net/?p=65661

15- البيان الثانى ” نتائج اعمال التحالف المصرى على الأستفتاء على الدستور المصرى‎

http://almasryanews.org/?check=news&uid=15633

16- تقرير حريات المحامين بالغربية يرصد حالات تصويت جماعي وانسحاب الشرطة من بعض لجان استفتاء الدستور

http://gate.ahram.org.eg/News/285513.aspx

17- تحرير 1400 محضر ضد قضاة مزيفين في الاستفتاء المصري

http://www.alarabiya.net/articles/2012/12/15/255285.html

18- بالفيديو.. صحيفة كويتية: الإخوان طبعوا 200 ألف بطاقة مسودة بـ نعم

 on-msn.com/VZ19bu

19- بلاغ كويتى يزعم تزوير بطاقات الاستفتاء.. والإخوان تنفى

http://www1.youm7.com/News.asp?NewsID=875569&SecID=65&IssueID=0

20- بالمستندات .. بلاغ للنائب العام ضد رئيس العليا للإنتخابات لمخالفته القانون وتكليفه محامين بالإشراف على الاستفتاء

http://onaeg.com/archives/467141

21- أحمد سيف الإسلام: المباحث تداهم مطبعة بالمهندسين.. وتتحفظ على منشورات تابعة لجبهة الإنقاذ

http://www.albedaiah.com/node/11662

22- التحقيق مع قيادي بـ«الحرية والعدالة» في الغربية لحيازته ورقة دوار

http://www.almasryalyoum.com/node/1314306

23- التيار الشعبى يرصد تجاوزات الاستفتاء فى القاهرة والمحافظات

 http://www.tahrirnews.com/news/view.aspx?cdate=15122012&id=8713ba79-dc6a-48cb-815a-0ae836200622

 24- بالصور| مندوبو "الحرية والعدالة" يستخدمون بطاقة "مطبوعة" لحث الناخبين على التصويت بـ نعم

www.elwatannews.com/news/details/96552#.UMw_b1Pm2S0.twitter

25- نقلا عن موقع التحرير بعض التجاوزات التي حدثت اليوم

http://tahrirnews.com/news/view.aspx?cdate=15122012&id=8e4763d2-aa2f-4ff2-aaee-74960d76ba94

26- السعودية: قبول 10 آلاف صوت مزور.. فرنسا: دعاوى لوقف «المهزلة».. أمريكا: مظاهرة لنصف مليون مصرى

http://www.elwatannews.com/news/details/96114

27- التيار الشعبي: رصدنا صناديق انتخابات ممتلئة منذ الصباح.. وتصاريح المراقبة لـ "السلفيين" و"الإخوان" فقط

http://gate.ahram.org.eg/News/283715.aspx

28- قبل انتهاء التصويت رسميًا.. صفحة الحرية والعدالة بـ”فيسبوك” تنشر صورة محضر فرز لجنة بسيون      

http://gate.ahram.org.eg/News/283923.aspx

29- ناخب يكتشف تصويت والده المتوفَّى في «استفتاء الدستور» بالدقهلية

http://www.almasryalyoum.com/node/1315666

30- شايفنكم: سلفيون يمنعون غير المحجبات من الإدلاء بأصواتهم في لجان بالإسكندرية..

http://www.elwatannews.com/news/details/96627

31- اربع آلاف ناخب يقتحمون لجنة بطنطا بعد إغلاقها 5 مساءً.. وإصابة مجندَين..

http://www.almasryalyoum.com/node/1315216

32- رئيس لجنة في دار السلام يحث الناخبين على التصويت بنعم

http://www.elwatannews.com/news/details/96761

33- رئيس لجنة يطلب من الناخبات الوقوف فى صفين واحد لـ نعم والثانى لـ لا - مدرسة مصطفى كامل الابتدائية - الزاوية الحمراء - القاهرة

http://www3.youm7.com/News.asp?NewsID=877592

34- اعلاميون وسياسيون يعلقون علي الانتهاكات خلال الاستفتاء علي الدستور: أكبرعملية نصب في تاريخ مصر الحديث

http://www.albedaiah.com/node/11432

  

35– إغلاق لجنة "واحد" بكلية هندسة بشبرا لاشتباه المواطنين في القاضي

http://www.elwatannews.com/news/details/96419

  

36- منظمات حقوقية تطالب بإعادة المرحلة الأولى من الاستفتاء.. وتؤكد تم على الطريقة المباركية رغم الثورة

http://www.albedaiah.com/node/11416

37- الإخوان أمام لجنة بالمعصرة بـ"اللاب توب".. وسيارة تحث الناخبين على "نـعم" لإستقرار مصر

http://new.elfagr.org/Detail.aspx?nwsId=245407&secid=1&vid=2

38- أسيوط: حشد مواطنين في "ميكروباص" عليها بوسترات "نعم للدستور".. ورئيس لجنة يصوت بدل الناخبين

http://www.albedaiah.com/node/11222

  

39- غرفة عمليات جبهة الانقاذ : رصدنا 750 مخالفة في محافظات المرحلة الأولى

http://onaeg.com/archives/463809

40- الناخبون يقتحمون لجنة بالدقهلية ويحطمون الصناديق احتجاجًا على تسويد البطاقات بـ نعم

bit.ly/XXpOc6

41 - التيار الشعبى يرصد اعتداء الإخوان على مراقبى جبهة الإنقاذ الوطنى

http://www.youm7.com/News.asp?NewsID=877512

42- إغلاق 3 لجان بالغربية مبكرًا.. ومصدر قضائي: 60% نسبة التصويت حتى 7 مساءً

http://www.almasryalyoum.com/node/1315136

43- القبض على موظفة بالنيابة الإدارية انتحلت صفة قاض بإحدى لجان مصر الجديدة دائرة الرئاسة

http://new.elfagr.org/Detail.aspx?nwsId=245337&secid=1&vid=2#.UNVQo6ztnZA

44- جبهة الإنقاذ بأسيوط تحرر محضرًا ضد أمناء لجنة لتوزيعهم أوراق توجه الناخبين للتصويت بـ نعم

http://gate.ahram.org.eg/UI/Front/Inner.aspx?NewsContentID=283781

 

45- الغرفه المركزيه ترصد تسويد بطاقات وتوجيه للناخبين و«زيت وسكر» بمختلف المحافظات

http://www.tahrirnews.com/news/view.aspx?cdate=15122012&id=d87af69d-0387-4783-a380-05de669ee2fe

46- حركة 6 أبريل: تزوير جماعي وصناديق مسودة بـروض الفرج

http://akhbarelyom.org.eg/news105710.aspx

47- ناخبٌ متوفٌ بين كشوف الناخبين بكلية الفنون الجميلة

http://elbadil.com/egypt-news/2012/12/15/83800

48- الجبهة الحرة للتغيير السلمى: انتهاكات بالجملة بلجان القاهرة.. وحالات تزوير لا تحصى بمدينة نصر

http://elbadil.com/egypt-reports/2012/12/15/83778

49- قاض واحد يشرف على التصويت بـ3 لجان بمدرسة محمود فهمي المعماري بالظاهر

http://gate.ahram.org.eg/News/283628.aspx

50- مفاجأة: 55% قالوا «نعم» فى سفارة الرياض.. و99.9% فى «البريد» المطعون بتزويره

http://almogaz.com/news/politics/2012/12/20/637906

******************************************** 

رابعا : مخالفات ومحاضر وشهادات

********************************************

لمتابعة عرض الجزئية الرابعة ( مخالفات ومحاضر وشهادات ) يرجى الدخول من هذا الرابط


http://teeefaman.blogspot.com/2012/12/2012-2-2.html

 

شهادتى عن اعتقالى وتعذيبى 19 نوفمبر 2012 ( محمد محمود 3 )

- انا نزلت فى ذكرى محمد محمود بعد مرور عام على المجزرة اللى سقط فيها 55 شهيد .. نزلت عشان القصاص .. نزلت عشان حق الشهداء بعد سنة عدت ومفيش اى حاجة حصلت .. مفيش اى محاكمات لقتلة الشهداء .. ده كمان معتقلى محمد محمود هما اللى كانو بيتحاكمو .. نزلت عشان عدت خمس شهور من حكم الرئيس مرسى بعد ماوعدنا بان دم الشهداء فى رقبته ومعملش اى حاجة لسه .. نزلت عشان كان المطلب الرئيسى تطهير الداخلية وجه الرئيس مرسى وخلى قيادتها تترقى .. نزلت عشان الداخلية متغيرتش وكل شوية بيروح ضحية فى كل مكان فى مصر لبطشها وجبروتها .. مفيش اى احترام لكرامتنا ولا اى معاملة ادمية لينا وكأننا عبيد عند الداخلية ..

* الاعتقال والضرب والسحل *

- انا نزلت مع اخويا الصغير فى يوم الاتنين 19 نوفمبر 2012 .. واتمسكنا الساعة 1 ونص بليل فى كماشة فى شارع الشيخ ريحان خلف مجمع التحرير ( شارع كنيسة قصر الدوبارة ) .. كنا حوالى 16 واحد اتعملت علينا حفلة ضرب وسحل .. كان فيه بنت واخوها العساكر كانو هيعتدو عليها لولا انها صرخت وعملت ان مغمى عليها فسابوها هى واخوها وخرجت بمعجزة بعد ماخدو كمية من الشتايم والاهانات ( عرفت ده بعدين ) ..

- انا كان عندى جرح قديم فى راسى ( 4 غرز ) وحاطط قطن .. اول ما العساكر شافو الجرح واحد مسكنى وقالهم "استلموه ده" .. كله كان بيدخل وبيحاول يضرب فى مكان الاصابة بالعصيان .. كنت فى وسط حوالى 4 او 5 عساكر ماسكنى من اجمالى 20 او 30 عسكرى حواليا وفيه كل شوية عساكر تخش تضرب وتاخد نصيبها .. كان معاهم ناس بلبس مدنى شكلهم مسجلين خطر بيضربو بالعصيان مع العساكر .. 

- حاولت احمى راسى والجرح فخدت ضربات كتير على صوابعى ودراعى ( ولما كشفت بعد ماخرجت لقيت صابع الابهام مكسور ) .. بمعجزة رميت القطن عشان العساكر الجديدة اللى جايين يسجلو فى الحفلة عشان مياخدوش بالهم من الجرح ..  

- الضرب كان بالعصيان وضهر البنادق والبيادات بالبوكسات والشلاليت باى حاجة وفى كل مكان ( راس ضهر كتف بطن رجل ) وكانو بيركزو على الراس .. ضربونى مرتين بالعصيان على المنطقة الحساسة من الامام .. وفيه حد من ورا كان معاه عصاية وزقها عشان تلامس المؤخرة كنوع من الاذلال النفسى ..

- مكنتش قادر اشوف اخويا او حد من اللى معايا حصلهم ايه .. مقدرتش اميز الشتيمة من وسط الضرب .. كنت بتضرب بس .. 

- وقعت ع الارض من كتر الضرب .. سحلونى ع الارض وكنت بغطى راسى بدراعى وضامم رجلى .. كان الضرب فى كل مكان .. لحد معملت انى اغمى عليا .. سحبونى لحد عربية الترحيلات بعد مجلس الشورى ..

* فى عربية الترحيلات *

- عربية الترحيلات كانت متغرقة كلها بول فى المكان اللى بنقعد عليه كنا 15 واحد – منهم اخويا -  ودخل معانا واحد ( شكله مخبر جدا ) تحت اسم احمد ثابت – عشان ياخد معلومات مننا جوه او يشهد علينا - واخد بوكس فى عينه قالنا انا مقبوض عليا معاكو – رغم انه مكنش فى الكماشة - وهو الوحيد اللى طلعوه بموبايله وفلوسه وكان العساكر فى الحبس بيندهو عليه باسمه ..

- كان معانا شاب مضروب جامد جدا لما دخلنا عربية الترحيلات انهار على الارض .. جينا نشوفه لقيناه مفيهوش نبض افتكرناه فى الاول مات وقرينا الفاتحة عليه وكانت حاجة صعبة جدا .. بعدها واحد مننا شافه فقالنا ده لسه عايش بس عنده هبوط فى الدورة الدموية .. لما وصلنا الحبس روحنا الزنزانة والشاب ده متنقلش معانا ومعرفناش عنه اى حاجة .. محدش كان يعرف اسمه ومعرفتش اميز شكله من ضلمة عربية الترحيلات .. ( وسجلت ده فى تحقيقات النيابة ) ..

* الاصابات والسرقات *

- النتيجة لكل الضرب ده .. مكنتش عارف احرك عضمة فى جسمى .. جرح الراس اصيب من الضرب .. شفتى اتدعكت وكانت بتنزف بشدة .. تورم اعلى الحاجب .. تورمين بالراس .. كدمات وتورمات مختلفة فى الضهر والساقين .. الم رهيب بالبطن من البوكسات اللى خدتها .. القميص مقطوع فيه زراير .. القميص والفانلة الداخلية كان عليها دم من جرح الراس والشفة .. ( وسجلت ده فى تحقيقات النيابة ) ..

- كان فيه اصابات اكبر منى بكتير .. اخويا اتفتحت راسه بجرح قطعى كبير نزف لمدة ساعة وكان ورام بشدة .. اضطروه نقله للمستشفى ( والا هيجيبلهم مصيبة ) .. عمل 14 غرزة فى راسه وكان فيها خراج شاله وكان بيكح دم .. مناخيره حصل فيها كسر ( اتاكدنا بعد خروجنا ) وكانت بتنزف بشدة وواخد بوكس فى عينه ..

- فيه معتقل اخر كان مريض بالسكر اصيب بكسر فى الحوض الامامى والخلفى وكسر فى فقرتين فى الظهر وكسر فى الانف ورفضو يعالجوه ولا حتى يصرفوله الانسولين عشان مرض السكر .. وكان داخل على غيبوبة السكر لولا ستر ربنا فى اليومين اللى قعدهم .. ولحد الان بيتعالج ومقدم على عملية كبيرة ربنا يشفيه لانه معرض للشلل لا قدر الله ..

- وفيه واحد اتكسرت سنانه ( عاهة مستديمة ) .. فيه ناس كتير هدومها اتقطعت من الضرب .. وفيه شباب كان بنطلونهم نفسه مقطوع من الضرب والسحل .. فيه اطفال مضروبين فى وشهم بطريقة بشعة ..

- طبعا والعساكر ساحبنى كانو بيمدو ايديهم فى جيبى وبياخدو اى حاجة لنفسهم .. وكل المعتقلين اتعرض للسرقة .. العساكر كانو كأنهم بيقسمو الغنيمة على نفسهم ..

* داخل معسكر الامن المركزى بالجبل الاحمر*

- اتنقلنا لمعسكر الامن المركزى بالجبل الاحمر مباشرة .. طبعا ده مكان احتجاز غير قانونى .. دخلنا زنزانة 8 متر فى 4 متر فى السجن العسكرى الملحق بالمعسكر .. وصل عددنا فى اول ليلة 19 شاب بعد اعتقال اخرين .. كلهم كان معمول عليهم نفس حفلة الضرب والسحل .. جم العساكر يعملو علينا التشريفة بس الظابط قالهم خلاص هما خلصانين .. 

- طبعا المحضر اتعملنا فى المعسكر على 3 او 4 الفجر وكان اى كلام .. اتسالنا سؤالين واتكتب اى كلام فى المحضر ولا مضينا على حاجة ولا شفنا المحضر .. منعرفش حتى اللى عملنا المحضر صفته ايه ولا تبع ايه ..

- اول ليلة كنا 19 واحد تانى يوم كان فيه 91 شاب فى الزنزانة .. 91 شاب من اطهر وانضف الشباب فى مصر كله نايم فوق بعض على البلاط فى السقعة وبيتالم ومكسور فى كل جسمه .. 91 شاب بيمثلو كل طبقات المجتمع بيمثلو كل الافكار والتوجهات.. كان فيه شباب مستقل .. فيه كان نازل عشان صاحبه او قريبه مات او اتصاب بعاهة مستديمة من الداخلية .. فيه اعضاء احزاب وحركات وحملات .. فيه ناس بسيطة تضررت من الداخلية باشكال اخرى فى حياتها اليومية .. فيه ناس الداخلية بلطجت عليهم وعلى اسرتهم .. كله كان نازل ياخد بتاره واتمسك .. وكان فيه اللى بيتفرج وملوش دعوة بالاحداث .. هددونا فى الاول اننا لو ملتزمناش هيطلقو علينا كتائب الامن المركزى ..

- اتحقق معانا مرة تانية فى المعسكر مع ناس ( امن دولة – الامن الوطنى ) تحت الضغط والتهديد اللفظى .. كانو بيحاولو يجبرونا اننا نطلع اى اسماء اى معلومات اى حركات اى اشخاص .. تركيزهم على الالتراس والمشاغبين والملثمين .. عايزين يعرفو مين بعت الدعوات ع الفيس .. عايز اسماء اكونتات على الفيس .. اى معلومات .. وعملولنا طبعا كلنا ملف فى امن الدولة بكل تفاصيل اهلنا كل حاجة .. 

- فيه واحد اسمه احمد جمال عيد ( احمد فرعون ) اتمسك معانا وقالهم انه ائتلاف شباب الثورة ( على اساس انه هيتعامل باحترام ) استجوبته امن الدولة 3 مرات وقالوله " هتيجى معانا الادارة شوية انت قديم فى الميدان بقالك سنتين وهنعرف منك معلومات عن كل واحد انت تعرفه " .. ولما خد اخلاء سبيل من النيابة الخميس 22-11 مطلعش واترحل من معسكر الامن المركزى يوم الخميس بواسطة افراد امن الدولة .. ( عرفنا بعدها انه اترحل لسجن طره لاستجوابه والضغط عليه وخرج بعدها ) ..

- طبعا احنا جوه المعسكر معزولين عن العالم الخارجى .. مفيش اى علاج ولا زيارات .. الدكتور دخل شافنا فى الاول وفى الاخر مخدتش الا اتنين تلاتة يعالجهم وساب الباقى .. ولما فيه مجموعة خدت اخلاء سبيل – انا منهم - بعد ماتعرضت على النيابة يوم الثلاث 20 نوفمبر رجعنا المعسكر بس قالولنا هناك اننا خدنا 4 ايام .. فجاة يوم الاربع 21 نوفمبر بليل قالولنا يالا عشان هتخرجو دلوقتى ..

- كانو استلمو منى وانا داخل المعسكر البطاقة وكارنيه نقابة المهندسين والمفاتيح والحزام والكوفية كانت عندهم ومخدتش حاجة وانا خارج ..

- رمونا انا وال 12 اللى خدو اخلاء سبيل الاربع الساعة 11 بليل بره المعسكر على اطراف مدينة نصر .. مفيش معانا اى حاجة لا فلوس ولا موبايل ولا بطاقة ولا حتى مفاتيح الشقة .. وفيه واحد من منيا القمح خرج تانى يوم الساعة 12 بليل "حافى" وكانو خدو الجزمة بتاعته جوه ..

* القبض العشوائى *

- لما حصلت الكماشة فى شارع الشيخ ريحان ورا مجمع التحرير كل اللى كان فى الشارع اتقبض عليه .. ناس بتتفرج من بعيد ناس معدية ناس بتتظاهر بس ملهاش دعوة بالاشتباك اى حد .. وده من شهادات حقيقية من الناس جوه معايا .. مبيبقاش حتى فيه اى فرصة لتوضيح اى حاجة .. كل اللى موجود بيتمسك وبيبقى متهم بالتخريب وبيتعمل عليه حفلة الضرب ..

* اعتقال الاطفال القصر وتعذيبهم *

- من كل المعتقلين ال 91 فى الزنزانة كان تقريبا ربعهم اطفال قصر اعمار 13 و 14 سنة متهمين بالتخريب .. محبوسين فى معسكر امن مركزى ومضروبين وفيهم كدمات .. كان الاطفال بيعيطو ولما جه عسكرى ينقلهم للزنزانة كان فيه بيقول " والنبى ياعمو متسيبنيش جوه " وهو بيعيط ..

- لما روحت النيابة بعد ماخرجت لقيت فيه اهالى واقفين بشهادة ميلاد ابنهم وبيدورو عليه .. ابنهم عبد الرحمن مواليد 2004 وتم اعتقاله فى الاحداث .. يعنى ايه طفل 8 سنوات يتمسك ويتهموه بانه مخرب ومثير شغب ..

شهادة ميلاد عبد الرحمن خالد مواليد 2004 ومعتقل فى محمد محمود

بعض الصور لاثار الاصابات بعد مرور ست ايام عليها ..

كدمة فى الفخذ واثار السحل

كدمات فى الظهر واثار السحل

تورمات فى الساق

كدمات فى الساق

كسر بعقلة الابهام وكدمات فى الاصابع

جرح بالراس 4 غرز وتعمد اصابته

احمد عاطف

 27 نوفمبر 2012

رؤية وتحليل شخصى لاحداث جمعة الحساب .. 12 اكتوبر 2012 ..

طرف مؤيدى مرسى :

- اول حاجة طرف مؤيدى مرسى كان فيه مين .. انا دخلت مابينهم كذا مرة.. فعلا اغلبيتهم اخوان واسرهم وكتير من المحافظات.. واوتوبيسات الاخوان كانت مركونة عند ماسبيرو وعبد المنعم رياض.. ده بالاضافة الى مؤيدى مرسى بعض من انصار حازم والاسلاميين..

- الاخوان والاسلاميين اللى كانو فى الميدان ممكن نقسمهم لتلات اقسام.. 

1 - جزء قليل شايف ان دول انصار متهمى موقعة الجمل..متفهمش.. 

2 - جزء تانى مقتنع بان دول انصار البرادعى وحمدين وعلمانيين وكفرة وعايزين يسقطو الاخوان.. او عايزين يفسدو وينشرو الانحلال..

3 - جزء تالت عارف ان دول ثوار وشباب عادى بس زهقو منهم ومن المظاهرات بتاعتهم ومعارضتهم لمرسى.. ودول الاغلبية..  

طرف الشباب : 

- تانى حاجة طرف الشباب.. من الاختلاط باشتباكات كتير.. المرادى صفوفنا غير احداث سفارة سوريا1و2 وسفارة امريكا والمنصة وبدين.. اغلب الاشتباكات الاخيرة كانت فئات صغيرة العمر وبتتحرك بدون مبدا او هدف.. المرادى شباب كتير نزل واتحرك عن اقتناع ووعى.. من الاخر المرادى نزل جزء شباب من بتوع اشتباكات 2011 .. فيه تحرك وغضب شبابى فعلى ضد الاخوان حتى لو انت لسه محستش بيه.. 

- موقف 6 ابريل ماهر كان غامض من الاول ومحددوش توجه معين وبقى على الحياد..اما 6 ابريل الجبهة نزلت باعلامها واعضائها وسط الشباب 

- فيه مشاركات للدستور والتيار الشعبى واشتراكيين..بس الاشتباكات كانت حالة احتقان عامة ضد الاخوان وشباب كتير مش مسيسين فعلا.. 

- الالتراس مكنش فيه اى تواجد رسمى ليه وسط الصفوف سواء اثناء او بعد الاحداث..زى ما اعلنو على صفحتهم.. ودى حاجة اقدر ااكدها..

- اى مواقف فردية سواء لاعضاء من 6 ابريل او الالتراس فهى حرية شخصية ومش بتعبر عن الكيان.. انا بتكلم عن موقف رسمى او جماعى..

بهدوء .. الاخوان يتحملو مسئولية الاشتباكات لاسباب .. :

  

جانب من اشتباكات جمعة الحساب بشارع طلعت حرب

- لو هنتكلم بعقل وبهدوء.. رايى الخاص ان اشتباكات النهاردة دى خطا الاخوان لاربع اسباب رئيسية.. كما يلى.. 

1 - اولا الاخوان هم الحزب الحاكم..ومش مفهوم ان الحزب الحاكم ينزل للتظاهر وهو فى ايديه كل القرارات والسلطات..التظاهر للمعارضة .. ولو هنتكلم بصراحة.. نزول الاخوان مكنش للمطالبة بمطالب اصلا..بس لمجرد الشوشرة على مظاهرات المعارضين وعمل تاييد شعبى للرئيس ..

2 - ثانيا معارضى مرسى اعلنو عن فعالية فى الميدان 12 اكتوبر من 3 اسابيع وسموها جمعة الحساب.. مينفعش يهبط مؤيدي مرسى فجاة عليهم .. ولو هنقيس الامور نظريا.. موقعة الجمل كانت لنفس السبب.. المعارضين فى التحرير وفجاة مؤيدى المخلوع هبطو عليهم.. 

3 - ثالثا الاخوان بداو الاشتباكات عبر شهود عيان كتير..كسرو منصة التيار الشعبى..واعتدو على الاعداد القليلة اللى هتفت ضد المرشد ..

4 - رابعا.. الاخوان منظمين ويقدرو يتحكمو فى حشودهم.. بسهولة كان ممكن ينسحبو من الاول بقرار من مكتب الارشاد وكله هينفد فورا.. الاخوان هما اللى انسحبو من نفسهم الساعة 6 بالظبط والميدان فضى تماما .. عكسنا محدش بيحركنا ومستحيل تقنع الشباب بوقف الضرب .. انتظار الاخوان ست ساعات والاشتباكات مستمرة بيحملهم جزء كبير من المسؤلية.. خصوصا ان كان فى ايديهم اتخاذ القرار من الاول.. 

رؤية لمجمل احداث جمعة الحساب :

الاخوان يفرون امام جموع الشباب الغاضبة

- اعتقد ده اول موقف مباشر وغضب "شبابى" ضد الاخوان والحزب الحاكم لمصر.. حتى لو كان مشارك فيه نسبة معينة.. 

- لاول مرة نلاقى محدش بيتكلم عن عدم وجود الداخلية "المختفية" خلال اشتباكات 6 ساعات على بعد امتار من وزارتهم.. 

- لاول مرة كمية من تصريحات وبيانات اخوان متضاربة..تصريحات عن عدم وجود اخوان او نزولهم الساعة 3 او عدم وجودهم ودى مجموعة بتشوهم .. وتصريحات اخرى عن وجود الاخوان ووقوع اصابات او فيه طرف تالت بيضرب او ان دول شباب عادى او سياسيين بس هما اللى بداو..متفهمش ..

- تانى مرة يتورط الاخوان فى اشتباكات مباشرة ضد الشباب بعد احداث مجلس الشعب.. بس المرادى اشتباك مفتوح باعداد كبيرة تحت حكمهم ..

- فيه اصابات كتيرة للشباب النهاردة.. اصابات فى مختلف المناطق.. اصابات برخام.. اصابات فى العين.. وفيه اصابة بخرطوش.. 

شاب مصاب خلال احداث جمعة الحساب بطوب ميليشيا الاخوان

- فيه مصاب برخام فى وشه عمل 12 غرزة فى مستشفى الهلال.. لقى ناس بتتحرى عن المتواجدين هناك وهل ليهم علاقة بالاحداث ولا لا..!!

- باسم محسن معتقل السويس بعد العباسية وفقد عين فى احداث محمد محمود.. الاخوان ضربوه وسحلوه اليوم على اسفلت محمد محمود.. 

 

اصابة باسم محسن خلال احداث جمعة الحساب

- اللى حضر مشهد هجوم الاخوان الرهيب العصرية من ناحية المجمع وعبد المنعم رياض..وزنقو الشباب فى ش التحرير وطلعت حرب..صعب جدا.. كان بيقع قدامى كتير بطوب الاخوان ومكنوش بيفرقو بين ولد وبنت..وقدامى واحد وهو شايل بنت مغمى عليها والاخوان بيجرو وراه.. 

- ده مش تشويه او تهويل للاحداث بس فعلا كان موقف صعب جدا.. واغلبية اللى نزلو النهاردة هيعرفو وهيحسو بمدى الضرب.. 

- ده رايى المجمل فى احداث جمعة الحساب .. وفى الاخر كل واحد حر فى وجهة نظره.. وله رؤيته المختلفة.. 

احمد عاطف

الجمعة 12 اكتوبر 2012